Heta tapicha he'i ohayhuha Tupãme térã oguerekoha mborayhu Hese. Ha katu, mba'eichagua mborayhúpa añetehápe oguereko hetave tapicha? Oĩgui hetaichagua mborayhu. Mba'éicha piko? Jahechami.

Ja'éma haguéicha, oĩ hetaichagua mborayhu: túva, sy, joyke'y, memby, ména ha tembireko apytépe, ha mymba mborayhúpe jepe. Umíva apyténte ja'e hag̃ua. Upéicha, ja'e mborayhu jahechávo mborayhuporã, térã jareko ha pota ramo. Ha katu oĩ mborayhu añetegua, ndohekái ijehegui reíva. Ha kóva ndosẽi yvypóra korasõgui ni ko yvy ári guio, osẽ katu Tove Tesape Ruvégui.

Ko mborayhu ambue yvágagua oñeme'ẽ opavavépe, ha katu ndaha'éi opavave oipotáva. Kóva ojehu oñembojehe'águi umi ñeñandu oguerekómava voi ndive, ha ojehecha peteĩ tape ohoha peteĩ gotyo reínte ramo; he'ise, ou Tupãgui ha ha'ekuéra oguerovia avave noikotevẽiha ojapo mba'eve ojagarra térã oguereko hag̃ua ko mborayhu, añetehápe katu, oñeñotỹ, ojejapo ha oñeñongatuva'erã.

Pe mborayhu Ñandejára ojeruréva yvyporakuéragui ha'e, tenonderãite, ñe'ẽrendu Chupe, oñeñongatúvo iñe'ẽnguéra, ha'éva imborayhu. Kóvagui osẽ opaite ambue mborayhu, techapyrãrõ, joyke'y, ména ha tembireko, ha sy ha túva mborayhu. Pórke Ñandejára mborayhu ndoikói ramo peteĩ tapicha pype, opaite ambue mborayhu ha'e peteĩ ñeñandu mitã'i reko añónte.

Upévare, Ñandejára léi oguereko pe pehẽngue tenondegua ñande mborayhúgui Chupe guarã, ha'éva ñe'ẽrendu umi pa'ũ apoukapy tenondegua irundy pegua. Upéi ou umi poteĩ mandamiénto hembýva, oñe'ẽva ñande rapicháre. Oñemohenda oñepyrũvo oñemomba'eguasúvo túva ha sy, oñemoĩvo chupekuéra Tupã Apohare ykére ñemohenda porãme; upévare, peteĩ kuimba'e oñembojárõ guare Hesúre oporandúvo mávapa pe mandamiénto tenonderã ha tuichavéva, térã mba'épa ojapo va'erã oherénsia hag̃ua tekove opa'ỹva, Ha'e tenonderã oñe'ẽ mborayhu Tupãreheguáre, ha upéi mborayhu ñande rapicháreheguáre.

Upéicha, Ñandejára ndoipotáiri mborayhu oñemopyendáva vy'a reínte rehe, ha katu pe mborayhu Ha'e ohechaukáva Ñandejára Ñe'ẽ rupive, ohoha peteĩcha Ituichakue térã iñe'ẽnguéra ndive—umi Pa Mandamiénto. Kóva ha'e Imborayhu. Juan 15:9b ha 10.

Oli Prestes
Misionéro